I vår er det klart for duoen Stein & Mari, Brazz Bros og dobbelturnéen med «Jazzen i sikte»-vinnarane Lugom trio og Hullyboo.
Takka vere eit årleg tilskot på kr. 300.000,- frå Hordaland fylkeskommune sitt Kulturelt utviklingsprogram i tre år, kan Vestnorsk jazzsenter ta opp att tråden med turnéar på den musikalske stamvegen.
Stein Urheim og Mari Kvien Brunvoll er først ute i veke 5. Denne duoen har på kort tid opparbeidd seg nærast kult-status. Folk snakkar enten stolt om at dei var på konserten på Nattjazz 2009. Studentavisa i Bergen oppsummerer kva ein har i vente musikalsk sett: «Det støy/beatbaserte innledningsnummeret gled fint over i Urheims ettertenksomme gitarklimpring i sang nummer to, akkompagnert av Brunvolls karakteristiske lyse vokal. De to utfyller hverandre i det hele tatt på en utmerket måte, gjennom Hawaii-lystige temaer, jazzaktige låter og det mer rockete».
Repertoaret er sett saman av eigne låtar. Dei har levert ein halvpart kvar.
Stein & Mari hadde også konsert på Vossa Jazz 2010. Om konserten skreiv Lars Mossefinn i Jazznytt: ”Musikalsk spenner det frå støy til country og overgangen frå det eine til det andre høyres som det mest naturleg i denne verda. Duoen greier å skapa ein god og avslappa atmosfære og kombinerer det med ein fullkommen kontroll på knappar og strengjer. Det blir fest i heimen når Stein og Mari er på besøk!”
Rykta fortel at duoen har vore i studio og at det er klart for debut-CD om ikkje altfor lenge.
Mari Kvien Brunvoll – vokal, loop
Stein Urheim – gitar, munnspel, fløyte, diverse strenginstrument
Turnéruta:
Ons. 2. februar: Kabuso, Øystese
Tors. 3. februar: Tre Brør, Voss
Fre. 4. februar: Bøyum pensjonat, Balestrand
Laur. 5. Café René, Haugesund
Sun. 6. Gaffel & Karaffel, Stavanger (ein konsert for born og ein for vaksne)
