Høstens stamveg-turneer

HØST 2022

Uke 39: THOMAS TOSTRUP QUARTET

THOMAS TORSTRUP piano SIMEN KIIL HALVORSEN trompet STIAN ANDERSEN bass IVAR ASHEIM trommer

Førestill deg ei Blue Note-plate frå 60-talet, men med moderne spennvidde. Thomas Torstrup står i ein stolt jazztradisjon med blikket retta framover og hentar det beste frå alle delane. Pianisten og organisten frå Stavanger er utdanna ved jazzlinja i Trondheim og platedebuterte i 2014 med albumet Snøkorn. I tillegg har han jobba mykje med sjangeroverskridande orgelprosjekt. I 2021 kom den kritikarroste kvartettplata Two Brothers – dedisert til tvillingborna – og no kjem endeleg musikken seg på turne. Med seg har han eit solid knippe musikarar med bakgrunn frå mellom andre Mongrel, Andrew D’Angelo og Lassen.

«From swinging bars and tight knit unison passages over brilliant soloistic breaks to Latin grooves, Two Brothers presents awide range of jazz bound to the tradition but firmly rooted in the present at the same time.» (All About Jazz)

Uke 41/42: LEKEROMMET

KAROLINE WALLACE vokal, synth PETTER ASBJØRNSEN kontrabass HÅVARD FUNDERUD  trombone, synth, diverse

«Kyllingen som ikke kunne synge» er ei historie om den fisefine kyllingen som var lei av det skitne livet på bondegarden. Han drøymer om ein dag å få bu på sjølvaste slottet, langt vekke frå grisebæsj og hestepromp. Dette vil han få til ved å smelta kongens hjarte med vakker song. Problemet er at kyllingen ikkje kan syngje. Lekerommet lagar førestillingar for born og familiar, og alle har bakgrunn frå jazzlinja på Griegakademiet i Bergen. Historiene og musikken er sjølvskrive med mål om å skapa dansbar, songbar og spanande ny musikk for born. Stykket vart først framførd på Festspillene i Bergen i 2014 og seinare på fleire store festivalar i Noreg. I 2017 kom «Kyllingen som ikkje kunne synge» på plate, og sidan det har dei vore eit populært innslag på Den Kulturelle Skolesekken.

Uke 46: GABRIELA GARRUBO

GABRIELA GARRUBO vokal ELISABETH LID TRØEN saksofon JOHANNES AAGAARD gitar NILS HENRIK SAGVÅG kontrabass AUDUN HUMBERSET perkusjon CATO LYNGHOLM trommer

Gabriela Garrubo har vore eit stjerneskot på musikkscena i Bergen og Noreg dei siste åra. Tekstane – på engelsk og portugisisk – handlar om å finna seg sjølv og styrke i ei kaotisk og urettvis, men også fin verd, medan musikken kombinerer skandinavisk jazz og brasiliansk musikk frå åttitalet. Etter opptreden på Vill Vill Vest gav Bergens Tidende konserten 6 av 6 hjarter og skreiv: «Måten hun silkemykt beveger seg gjennom skalaene og veksler mellom myke toner og hissige støt, er til å bli bergtatt av.» Debutplata kjem til hausten!

Fra forsiden

Nyheter

Vestnorsk Jazzsenter 25 år

Tiden flyr når man har det gøy – og plutselig kan Vestnorsk Jazzsenter (VNJS) krysse av for 25 aktive år som produksjons- og kompetansesenter på Vestlandet!