Nyheter

BBB & Dag Arnesen

23. november kan du høre Bergen Big Band og Dag Arnesen på Stord Jazzklubb. Det blir både Grieg, folketoner og originale komposisjoner.

Laurdag 23. november fyller Bergen Big Band med Dag Arnesen scenen i Stord Kulturhus. For nokre år sidan opplevde Bergen sin eigen Bill Evans, Dag Arnesen, noko som svært få jazzmusikarar er forunnt: Å bli folkekjær, ja nærast allemannseige, med platene i Norwegian Song-serien. Publikum vil kunna oppleva denne musikken, inspirert av Edvard Grieg, framført av Dag Arnesen ved flygelet i samspel med eit storband av internasjonalt format. Ein vil kunna kjenna att fleire stordabuar i bandrekkjene.

Bergensaren Dag Arnesen, som har komponert musikken og arrangert den for storband, har sjølv uttalt: «Da jeg begynte på prosjektet mitt «Norwegian Song» i 2006, var det med et ønske om å søke inspirasjon i norsk musikk. Jeg har vært dypt involvert i amerikansk jazz i nærmest hele mitt musikalske liv, og nå ville jeg prøve å skape en symbiose av det norske og det amerikanske. Det har vært en svært verdifull reise. Det er inspirerende å kunne arbeide med musikk av Edvard Grieg, han også fra Bergen.»


For to år sidan kunne Bergen Big Band feira 25 år, og Dag Arnesen har vore medlem i mange av desse åra. Ved å utvikla eit eineståande teamwork, har eit vidt spekter av prosjekt blitt til og framført på ein framifrå måte. Internasjonalt kjende storbandleiarar har blitt engasjerte for å kunna finna stadig nye vegar inn i jazzregnbogen.

Bergen Big Band har gong på gong makta å fylla konsertsalar både her heime og ute i Europa.

Fra forsiden

Nyheter

Arrangørsamling

22. november 16:00-19:00 inviterer vi jazzarrangører på Vestlandet til samling i Bergen.

Meld deg på vårt nyhetsbrev