Her kan du se vår-menyen for Den Musikalske Stamvegen 2021. Fire fantastiske band med masse å by på! Ta kontakt om du ser noe du vil presentere på klubben din.
BUILDING INSTRUMENT
MARI KVIEN BRUNVOLL røyst, diverse elektronikk, perkusjon, zither ØYVIND HEGG-LUNDE trommer, perkusjon ÅSMUND WELTZIEN diverse tangentar
Building Instrument er ein Bergensbasert trio som blandar akustiske og
elektroniske uttrykk i fargerike komposisjonar. Den musikalske reisa går frå
catchy rytmar, via frie improviserte parti, til kjenslelada melodiar med eit
filmmusikkaktig preg . Sidan starten i 2008 har dei innimellom ein travel
kvardag – Mari Kvien Brunvoll er Spellemann-nominert soloartist, Øyvind
Hegg-Lunde regjerer impro-scena på vestlandet i ei rekkje med band,
medan Åsmund Weltzien gjer underverker for Thea Næss – sloppe
3 plater på plateselskapet Hubro. Tekstane er på moldenserdialekt, skrive av
vokalist Mari Kvien Brunvoll, musikken lagar dei saman. Som band dannar dei
eit unikt uttrykk – i låtane så vel som visuelt på scena – som høyres berre
ut som nettopp Building Instrument.
Turné-periode: 8.-16. februar
FINT FRANSK ORKESTER
JOHAN EGDETVEIT trekkspel DOMINIQUE BRACKEVA vokal, trombone EVA BJERGA HAUGEN vokal, tangentar ANDREAS BARSNES ONARHEIM gitar, vokal THEODOR BARSNES ONARHEIM kontrabass
Fint Fransk Orkester er det næraste du kjem Montmatre i Paris utan å forlata Noreg. Med stil, eleganse, humor og virtuos speleglede blir du tatt med på ei reise djupt inn i den franske chanson-tradisjonen der du møter ei særeigen verd av originale låtar og fargerike rollefigurar. Med nypolert trombone, nystemt trekkspel og nydeleg song er musikken i hovudsak komponert av bandet sjølv, men med innslag frå franske forgjengarar som Serge Gainsbourg, Edith Piaf og Django Reinhardt. Cabaret, string-swing og hip hop. Chansons, hjerte og smerte.
Turné-periode: 22.-28. februar
BOUNCEALARM
CHRISTIAN CAUADRA altsaksofon, STURLA HAUGE NILSEN trompet ELISABETH LID TRØEN tenorsaksofon INGRID ØYGARD STEINKOPF piano, fløyte MORTEN BERGER STAI kontrabass RINO SIVATHAS trommer
Frå jazzlinja i Trondheim og med debutplata om hjørnet kjem BounceAlarm – eit ensemble med store mengder melodisk pop-teft kamuflert bak jazzinstrumenteringa. Filosofien er enkel – bandet vil syna at improvisert instrumentalmusikk kan vera både underhaldande og dansbart – ikkje minst i møte med born og ungdom. BounceAlarm har allereie spelt på London Jazzfestival og All About Jazz var begeistra: «Many jazz genres could be namechecked as the group changed between whiplash bop breaks, detailed and restrained cool jazz, cooking hard bop and rock energy.»
Ein lettare sprø sekstett som fenger og underheld publikum i alle aldrar – og som vil passa for både borne-, ungdoms- og vaksenkonsertar.
Turné-periode 8.-14. mars
SEGLEM TRIO
KARL SEGLEM saksofon, bukkehorn HÅKON HØGEMO hardingfele KÅRE OPHEIM trommer
Saksofonist, bukkehornist, poet, plateselskapgründer med Norcd, og ein utøvar som har laga seg eit unikt prosjekt i tussmørkret mellom folkemusikk og jazz. Karl Seglem er ein av våre fremste tenorsaksofonistar og bukkehornblåsarar, og er å rekna som ein institusjon i norsk musikkliv. Han har gjeve ut over 30 plater, og har utvikla eit sterkt personleg uttrykk der melodisk jazzimprovisasjon og norsk folkemusikk møtes i ulike besetningar. I 2010 vart han tildelt Buddyprisen, i 2012 skreiv han tingingsverket til Vossa Jazz. No kjem han att med nytt band saman med felespelar Håkon Høgemo – i seg sjølv ein akta utøvar og soloartist, og Kåre Opheim, kjend frå mellom anna Real Ones.
Turné-periode: 19.-26. april
