40 år etter suksess-albumet kan du høre musikken på ny. Med ny-arrangert musikk og nytt band.
DAG ARNESEN piano ELISABETH LID TRØEN saksofonar AKSEL RØED saksofonar HANS MARIUS ANDERSEN trompet ARNE TOIVO bass SIGURD STEINKOPF trommer
Det er ikkje tvil om at vinden bles Dag Arnesens veg. Med seg har syttiåringen brakt norsk folkemusikktradisjon ut av landet til eit internasjonalt jazzpublikum på ein måte som berre Jan Johansson kan matche i Skandinavia. Samstundes har han vore den som har eit vakent auge for nye talent, og har ikkje kvidd seg for å ta nytt blod inn i banda sine.
Ny Bris – som slo gjennom på tidleg åttital – har framleis kultstatus i Bergen, og vart eit springbrett for ein ny generasjon musikarar. På scena er han den lyttande, alltid klar til å respondera på innspel frå medmusikantar, og – det finaste av alt – alltid klar for å gje nye talent rampelyset. 40 år etter debuten gjer han det igjen! Ny Bris er tilbake i ei splitter ny besetning med bakgrunn frå Griegakademiet i Bergen – og ei ungdomskjelde for ein pianist som lét ung og vital som aldri før!
Torsdag 28. april: STAVANGER
Fredag 29. april: STORD
Lørdag 30. april: FØRDE
Fredag 27. mai: BERGEN
Foto: Helge Hansen, Montag.no.
